HAEY BABA(a.s.) UJARH GAIEE ZAINAB(s.a.)

HAEY BABA(a.s.) UJARH GAIEE ZAINAB(s.a.)


JO MUHAFIZ THA MERAY PARDAY KA

AB WOH GHAZI(a.s.) NAHIN RAHA BABA(a.s.)

MERA KOI NAHI'N RAHA BABA(a.s.)


KARBALA MEIN GHAREEB ZAINAB(s.a.) PAR (x2)

HAAEY KAISA SITAM HUWA BABA(a.s.)

MERA KOI NAHI'N RAHA BABA(a.s.)


BABA(a.s.) APNI ABA KAY SAAEY MEIN

TUM NAY JIS LAADLAY KO PAALA THA

US KA BAY SAR SITAM ZADA LAASHA

KARBALA KI ZAMEE'N PEH HAI RAKHA

MERAY BHAI HUSSAIN(a.s.) KO BAN MEIN (x2)

EIK KAFAN TAK BHI NA MILA BABA(a.S.)

MERA KOI NAHI'N RAHA BABA(a.s.)


BABA(a.s.) AAEY HO AB KHABAR LENAY

JAB MERA LUT GAYA HAI GHAR SAARA

SAAMNAY MERI IN NIGAAHO'N KAY

MERAY BHAAI KO BAY KHATA MAARA

US QAYAMAT KAY WAQT MEIN TUM KO (x2)

RO KAY DAITI RAHI SADA BABA(a.s.)

MERA KOI NAHI'N RAHA BABA(a.s.)


BABA(a.s.) JO THA SHABEEH NANA(s.a.w.w.) KI

US KAY SEENAY MEIN HAI SINAA'N TOOTI

US NAY TORHA WAHA'N PEH DAM BABA(a.s.)

AUR MERI KAMAR YAHA'N TOOTI

MERA AKBAR(a.s.) BHI DASHT-E-GHURBAT MEIN (x2)

DAAGH FURQAT KA DAY GAYA BABA(a.s.)

MERA KOI NAHI'N RAHA BABA(a.s.)


MERAY ABBAS(a.s.) KAY KATAY BAAZOO

JIS GHARHI ALQAMA KAY SAAHIL PAR

JAL GAEY KHAIMAY CHIN GAI CHADAR

LUT GAYA GHAR SITAM HUWAY HUM PAR

AB WOH GHAZI(a.s.) BHI NA RAHA MERA (x2)

JO THA MUSHKIL MEIN AASRA BABA(a.s.)

MERA KOI NAHI'N RAHA BABA(a.s.)


JO MERAY AUN(a.s.) AUR MOHAMMAD(a.s.) THAY

DASHT MEIN UN KAY HAIN PARHAY LAASHAY

NA MAIN PAANI PILA SAKI UN KO

AUR DUNIYA SAY WOH GAEY PIYASAY

TA QAYAMAT TUMHARI ZAINAB(s.a.) KO (x2)

AB YEHI GHAM RULAEYGA BABA(a.s.)

MERA KOI NAHI'N RAHA BABA(a.s.)


KAL MADINAY SAY AAI THI ZAINAB(s.a.)

BHAI BAITON'N KAY SATH KARBAL MEIN

RO RAHI HAI HAYA KI SHAHZADI(s.a.)

AAJ AIHL-E-SITAM KAY NARGHAY MEIN

AUR LABO'N PAR YEHI DUHAAI HAI (x2)

HAAEY GHAR LUT GAYA MERA BABA(a.s.)

MERA KOI NAHI'N RAHA BABA(a.s.)


MERAY SAR SAY CHINI THI JAB CHAADAR

AUR DAAMAN JALA SAKINA(s.a.) KA

MAIN NAY ROTAY HUWAY SADAAE'N DEE'N

MERA GHAZI(a.s.) MAGAR NAHI'N AAYA

MERI FARIYAD SUN KAY MAQTAL MEIN (x2)

US KA LAASHA TARHAP GAYA BABA(a.s.)

MERA KOI NAHI'N RAHA BABA(a.s.)


KAISA MANZAR ''SAHAB'' THA GHAM KA

JIS KO ''FARHAN'' PARHH NAHI'N PAAYA

SHAAM-E-GHURBAT MEIN AAMAD-E-HAIDER(a.s.)

EIK QAYAMAT HARAM(a.s.) MEIN THI BARPA

BAAP(a.s.) KO DAIKH KAR GIREE'N ZAINAB(s.a.) (x2)

KHAAK PAR AUR YEHI KAHA BABA(a.s.)

MERA KOI NAHI'N RAHA BABA(a.s.)